So therr we wis, a small band o' us wi Dan Hardhammer in ra lead, an' we wis oot past Dalanthar when ra sky startit spewin' rocks at us.
Man, we ducked fur cover, pronto. But no Dan. Man, he wis cool as a cucumber.
Well, we approached ra biggest o' ra boulders efter it stopped, well, Dan wis lookin' fer oar, like, but we wis jist oot tae stab things an' so oan. Anyways, 'is big boulder startit tae spew demons at us. Well, ah kin tell ye, ah made shure ah wis supportin' ra gang frae ra rear, nae problem.
So they chopped an' hacked, an' yours truly goat in a few tellin' blaws too, until eventually this humungous great demon appeared and jist stood 'err. Man, he wis huge. So big ah decided, alang wi' some o' ra ithers too it must be said, tae visit ra toilets in ra rear, like.
But no Dan, he's ra man. Typical dwarf, he jist stood 'err, eyein' up 'is big demon an' standin' his grund, when bang, all of a sudden, Dan keeled ower an' ra demon vanished.
Ah sidled up slow like, jist in case, an' okay, ah might've goat err efter everywan else, but ye've goat tae be shure, naw? Anyway, Dan wis deed. Man, he wis pure dedd deed. Ah mean, is wis worse than that, he wis deed deed.
So we chatted a while aboot ra best thing tae dae, an' sum o' us suggested we drink an ale an' move oan, but then his brother appeared an' efter a wee while, managed tae revive him.
Ye coulda knocked me ower, 'cos ah wis shure he wis deed. Ah guess a need tae check a we bit better next time - if ah kin be bothered, like.
Oh, an' nae mair boulders fell frae ra skies, so 'at wis guid.
Oh, an' oan ra way back through Delanthar, ah took a leaf frae Solena's book an' pit ra fear intae anywan ah could see therr. Ah thought ah wid dae them sum good an' get 'em tae stay indoors, like.
Oh, an' ah never saw sight o' Elastic. Lucky me?
~~ Duchess
